ކަޅުކައްޅަ ފަތް

ކަޅުކައްޅަ ފަތް

ކަޅުކައްޅަ ފަތަކީ ބޯކޮށް ހުންނަ އާވިރަހަލާ ފަތެކެވެ. މިއީ ދިވެހިންގެ ކެއުމުގައި މަދުން ނަމަވެސް ބޭނުންކޮށްއުޅޭ ފަތެކެވެ.

ދިވެހި ނަން : ކަޅުކައްޅަފަތް

އިގިރޭސި ނަން :  Devil's Backbone

ޢިލްމީ ނަން : pedilanthus tithymaloides / Euphorbia tithymaloides

ކަޅުކައްޅަ ފަތުން ލިބިދޭ ބައެއް ޞިއްޙީ ފައިދާތައް

-          ގަދީމީ ބޭސްވެރިކަމުގައި ނޭވާހިއްލުން، ކެއްސުން، ލަގޮނޑި ދުޅަވުން، އަނގަފާރު، ޖިންސީ ގޮތުން އަރާބަލިތައް ފަދަ މައްސަލަތަކަށް ފަރުވާ ކުރުމަށް ކަޅުކައްޅަ ފަތް އެކި ސިފަ ސިފައިގައި ބޭނުންކޮށްފައި ވެއެވެ. 

-          އިންޑިޔާގައި ފިހޭ ތަންތަން، ފާރުގަނޑު، އަދި އަނގަފާރު ފަސޭހަ ކުރުމަށް ކަޅުކައްޅަ ފަތް ބޭނުންކޮށް އުޅުނެވެ.

-          ދިރާސާތަކުން ދައްކާ ގޮތުގައި ކަޅުކައްޅަ ފަތަކީ ދުޅަތިރިކުރުމުގެ ބާރު ލިބިފައިވާ މާއްދާތައް އޭގައި ހިމެނޭ ފަތެކެވެ.

-          ދިރާސާތަކުން ދައްކާ ގޮތުގައި ކަޅުކައްޅަ ފަތަކީ ހަށިގަނޑުގައި އުފެދޭ އެކި ކަހަލަ ފާރުގަނޑު ފަސޭހަކުރުމުގެ ބާރު ލިބިފައިވާ ފަތެކެވެ.

-          ކަޅުކައްޅަ ފަތުގައި އެން-ހެންޓްރިއެކޮންޓެނޯލް، ޓްރައިޓަރޕީން، އަދި ޑިހައިޑެމެރެނޯލް އޭ ފަދަ މާއްދާތައް ހުންނަކަން އެކިއެކި ދިރާސާތަކުންވަނީ ހޯދިފައެވެ.

މައުލޫމާތު :

·         http://en.wikipedia.org/wiki/Euphorbia_tithymaloides

·         http://www.stuartxchange.com/Luha2.html

·         http://www.mpbd.info/plants/pedilanthus-tithymaloides.php

·         http://en.wikipedia.org/wiki/Euphorbia_tithymaloides

·         http://www.doctorshealthpress.com/anti-aging/this-plant-could-protect-against-bone-loss