ވިފުކު މިރުސް

ވިފުކު މިރުސް

ވިފުކު މިރުހަކީ ތޮޅި މިރުހުގެ ބާވަތެކެވެ. މިއީ ވަރަށް ކުދިކޮށް ހުންނަ ކުޅި މިރުހެކެވެ.  

ދިވެހި ނަން : ވިފުކު މިރުސް
އިގިރޭސި ނަން : Birds eye chilli
ޢިލްމީ ނަން : Capsicum minimum
ވިފުކު މިރުހުގެ ކޮންމެ 5 ގުރާމްގައި
ހަކަތަ	3 ކިލޯކެލަރީ
ކާބޯހައިޑްރޭޓް	0.5 ގްރާމް
ޕްރޮޓީން	0.1  ގްރާމް

ވިފުކު މިރުހުން ލިބިދޭ ބައެއް ޞިއްޙީ ފައިދާތައް

·         ގަދީމީ ބޭސްވެރިކަމުގައި ރާއްޖެބަލި، ހުޅުތަކުގައި ރިހުން ފަދަ ކަންކަމަށް ފަރުވާކުރުމަށް ވިފުކު މިރުސް ބޭނުންކޮށްފައި ވެއެވެ.

·         ގަދީމީ ބޭސްވެރިކަމުގައި ވައިގެ އުދަނގޫ ކުޑަކުރުމަށާއި، ދަތުގައި އުފެދޭ ރިހުން ކެނޑުވުމަށް ވެސް ވިފުކު މިރުހުގެ އެހީ ހޯދާފައިވާކަން ފާހަގަ ކުރެވެއެވެ.

·         ގަދީމީ ބޭސްވެރިކަމުގައި މަދިރި، މެހި ފަދަ ތަކެތި ގަޔާއި ކައިރިވިޔަ ނުދިނުމަށް ވެސް ވިފުކު މިރުސް ފެނަށް އަޅައިގެން ވަކި ގޮތަކަށް ބޭނުންކޮށްފައި ވެއެވެ.

·         ވިފުކު މިރުހަކީ ކާހިތްޖެއްސުމުގެ ބާރު އެކުލެވިފައިވާ މިރުހެކެވެ.

·         ވިފުކު މިރުހުގައި މިރުހުގެ އެހެން ވައްތަރު ތަކުގައި ވެސް ހުންނަ ކެޕްސައެސިން ހުރެއެވެ. މިއީ ސަރުބީ ދަށްކޮށްދީ، ހަށިގަނޑުގެ ބަރުދަން ލުއިކުރުމަށް ވެސް އެހީތެރިވެދޭ މާއްދާ އެކެވެ.

·         ގަދީމީ ބޭސްވެރިކަމުގައި ލޭއަރާފައި ހުންނަ ތަންތަނާއި، ހަށިގަނޑުގައި ދުޅަވެފައި ހުންނަ ތަންތަން ރަގަޅުކުރުމަށް ވިފުކު މިރުހުގެ ބޭނުން ހިފާފައި ވެއެވެ.

މައުލޫމާތު :

·         http://en.wikipedia.org/wiki/Bird%27s_eye_chili

·         http://www.chilipeppermadness.com/birds-eye-chili-pepper.html#.Uq1ffPQW2s4

·         http://naturalfarmerskerala.com/how-to-grow-kanthari-mulaku-bird-eye-chili/

·         http://www.znaturalfoods.com/Birds-Eye-Chili-Powder-Organic-1-lb

·         http://www.fatsecret.co.uk/calories-nutrition/tesco/bird-eye-chillies/6-peppers