ބޯށި

ބޯށި

ބޯއްޓަކީ ކެއުމުގައި ބޭނުންކުރާ ބާވަތެކެވެ.

ދިވެހި ނަން : ބޯށި
އިގިރޭސި ނަން : Banana blossom
ޢިލްމީ ނަން : -
ބޯށީގެ ކޮންމެ 100ގުރާމުގައި
އަސާސީ މާއްދާތައް
ހަކަތަ	51 ކިލޯކެލަރީ
ކާބޯހައިޑްރޭޓް	9.9 ގްރާމް
ޕްރޮޓީން	1.6 ގްރާމް
ފެޓް	0.6 ގްރާމް
ފައިބަރު	5.7 ގްރާމް
މަޢުދަންތައް
ކެލްސިއަމް	56 މިލިގްރާމް
ފޮސްފަރަސް	-     73.3 މިލިގްރާމް
ދަނގަޑު	56.4 މިލިގްރާމް
ކޮޕަރ	13 މިލިގްރާމް
ޕޮޓޭސިއަމް	553.3 މިލިގްރާމް
މެންގަނީޒް	48.7 މިލިގްރާމް
ވިޓަމިން އީ	1.7 މިލިގްރާމް

ބޯށިން ލިބިދޭ ބައެއް ޞިއްޙީ ފައިދާތައް

·         ފާރު ފަސޭހަވުމަށް އެހީތެރިވެދިނުން

·         ޖަރާސީމާ ދެކޮޅަށް މަސައްކަތް ކުރުން : ބޯށީގެ ދިޔަ ބޭނުންކުރުމަކީ ތަފާތު ބެކްޓީރިޔާ ހަށިގަނޑުގައި އިތުރުވުން ހުއްޓުވާނެ ކަމެކެވެ. ހަމަމިހެން މެލޭރިޔާ ޖައްސާ ޕެރަސައިޓްތައް ހަށިގަނޑުގައި އާލާވުމަށް ވެސް ހުރަސްއެޅުމަކީ ވެދާނެ ގޮތެކެވެ.

·         ހަކުރު ކޮންޓްރޯލް ކުރުމަށް އެހީތެރިވެދިނުން : މިގޮތަށް ދިމާވަނީ ބޯށި ދިޔައިގައި ހިމެނޭ "ކްލޯރޯފޯރމް" ގެ ސަބަބުންނެވެ. މިމާއްދާގެ ސަބަބުން ލޭގައި ހަކުރުގެ ނިސްބަތް ހަމަހަމަކޮށްދީ، ހަކުރު ބަލިން ރައްކާތެރިވުމަށް އެހީތެރިވެދެއެވެ.

·         އެންޓިއޮކްސިޑެންޓް ތައް އެކުލެވިގެންވުން : އެންޓިއޮކްސިޑެންޓް ތަކަކީ ފްރީ ރެޑިކަލް ތަކުން ހަށިގަނޑަށް ލިބޭ ގެއްލުން ކުޑަކޮށްދޭ މާއްދާ ތަކެކެވެ. ފްރީ ރެޑިކަލް ތަކުން ލިބިދާނެ ގެއްލުންތަކުގެ ތެރޭގައި ކެންސަރު ޖެހުން، ސްޓްރޯކް ޖެހުން އަދި ހާރޓް އެޓޭކް ޖެހުން ފަދަ ހިތުގެ މައްސަލަތައް ކުރިމަތިވުން ހިމެނެއެވެ.

·         މައްސަރު ކަންތަކުގެ ތެރޭގައި މާގިނައިން ލޭބޭރުވުން ހުއްޓުވުން : މިގޮތަށް ދިމާވަނީ ބޯށީގެ ސަބަބުން ހަށިގަނޑުގައި ހިމެނޭ ޕްރޮޖެސްޓަރޯން މިންވަރު މަތިވާތީ އެވެ. އެހެންކަމުން މައްސަރުގެ ތެރޭގައި މާގިނައިން ލޭބޭރުވާނަމަ، ބޯށި ފެނުކައްކައިގެން، ބަޓަރ މިލްކް، ނުވަތަ ކާރޑް އާއެކު ބޭނުންކުރެއްވިދާނެ އެވެ.

·         ބޯއްޓަކީ ވިޓަމިން އޭ އަދި ވިޓަމިން ސީ ގެ ރަގަޅު މަޞްދަރެކެވެ. ވިޓަމިން ސީ އަކީ ބަލިތަކުން ދިފާއުކޮށްދޭ އައްޑަނަ އެކެވެ. ވިޓަމިން އޭ އަކީ ލޮލުގެ ދުޅަހެޔޮކަމަށް ބޭނުންތެރި ވިޓަމިނެކެވެ.

·         ބޯށީގައި ހިމެނޭ މެގްނީޒިއަމްގެ ސަބަބުން އެބޭނުންކުރުމުން މިޒާޖު ރަގަޅުކޮށްދީ، ހާސްކަން ފިލުވައިދެއެވެ.

މައުލޫމާތު :

·         http://www.livestrong.com/article/401844-what-are-the-benefits-of-banana-flowers/

·         http://tracker.dailyburn.com/nutrition/banana_flower_calories

·         http://theindianvegan.blogspot.com/2012/09/all-about-banana-flower.html

·         http://www.tarladalal.com/glossary-banana-flower-1387i

·         http://www.anneperera.co.nz/images/Anne%20Perera%20on%20Banana%20Blossom%20June%202011.pdf