ހެދިބޮޑުވުން : އެއް އަހަރާޢި، ފަސް އަހަރާއި ދެމެދުގައި

ހެދިބޮޑުވުމުގެ މަރުހަލާތައް: 5-1 އަހަރާއި ދެމެދުގައި

ތިރީގައި މިވަނީ ހެދިބޮޑުވުމުގެ މަރުހަލާތަކުގެ ތެރޭގައި ހިމެނިގެން "ހެދިބޮޑުވުން ދެނެގަތުމަށް ބޭނުންކުރާ މިންގަނޑު"(developmental milestone) ތަކުގެ ތެރެއިން އުމުރުން 6 މަހާއި، 5 އަހަރާއި ދެމެދުގައި ޖިސްމާނީ، ނަފްސާނީ، އަދި ފިކުރީގޮތުން ކުޑަ ދަރިފުޅުގެ ކިބައިން ފާހަގަކުރެވޭނެ މުހިއްމު ކަންތައްތަކެކެވެ. މިއީ ދިވެހިރާއްޖޭގައި ބޭނުންކުރެވޭ ވެކްސިން ފޮތުގައި ބަޔާންކުރެވިފައިވާ މިންގަނޑުތަކެކެވެ. 

ފުރަތަމަ 6 މަހުގެ ތެރޭގައި :-

ހަރަކާތް ކުރުމުގެ ހުނަރު

·         ބޯއުފުއްލައިގެން ހިފެހެއްޓުން

·         އަތާއި ފައިތަޅުވާ ލުކިޖެހުން

·         ބަންޑުން ވަތަށް ޖެހުން

·         ކޮންމެވެސް އެހީތެރިކަމާއެކު އިށީނުން

އިހުސާސް އަދި ވިސްނުމުގެ ހުނަރު

·         އަޑުއިވޭ ދިމާލަށް ބޯއެނބުރުން

·         ގަދަ އައްޔާއި ކުލައަށް ބޯއަނބުރައިގެން ބެލުން

ބަސްމޮށުންތެރިކަމާއި، އަދި އިޖުތިމާޢީ ހުނަރު

·         އާދައިގެ އަޑުއަޑު ލެއްވުން

·         ހީލުމުން ރައްދުގައި ހީލުން

·         ގެންގުޅޭ މީހުން ދެނެގަތުން

·         ތަފާތު އިހުސާސްތައް ހަރަކާތުން ނުވަތަ ރުއިމުން ދެއްކުން : މިސާލު ބަނޑުހައިވުން، ބިރުގަތުން

1 އަހަރުގެ ތެރޭގައި:-

ހަރަކާތް ކުރުމުގެ ހުނަރު

·         ކަކުލާއި އަތް ބޭނުންކޮށްގެން ފިރުކުން

·         އެހީތެރިކަމާ ނުލާ އިށީދެއިނުން

·         އެހީތެރިކަމާ ނުލާ ކޮޅަށްހުރުން

·         އެހީތެރިކަމާއެކު ހިނގުން

އިހުސާސް އަދި ވިސްނުމުގެ ހުނަރު

·         ކުދިކުދި ބަސްތައް ދޭހަވުން

·         ހަރަކާތްކުރާ ތަކެއްޗަށް ކަޅި ހިންގުން

·         އެއްޗަކަށް ތަކެތި އަޅާ ނަގަން އެނގުން

ބަސްމޮށުންތެރިކަމާއި، އަދި އިޖުތިމާޢީ ހުނަރު

·         އަމިއްލަ ނަމަށް އިޖާބަދިނުން

·         އެހެން މީހުންނާއި އެއްކޮށް ކުޅޭހިތްވުން

2 އަހަރުގެ ތެރޭގައި :-

ހަރަކާތްކުރުމުގެ ހުނަރު

·         އެކަނި ހިނގުން

·         ބަހެއް ބުނެގެން ނުވަތަ އިޝާރާތުން ބޭނުންވާ ތަކެތި އަންގައިދިނުން

އިހުސާސް އަދި ވިސްނުމުގެ ހުނަރު

·         ވަށްކޮށް ހުންނަ ތަކެއްޗާއި، އެވައްތަރުގެ އެހެން އެއްޗަކާއި ގުޅުވަން އެނގުން

·         ތަފާތު ގޮތްގޮތަށް ރޮނގުއެޅުން / ކުރެހުން

·         ލޯގަނޑުން ނުވަތަ ފޮޓޯއަކުން އަމިއްލަ ސޫރަ ދެނެގަތުން

·         ތަސްވީރު ފޮތުގައި ހުންނަ ކުރެހުން ދެނެގަތުން

·         އާދައިގެ ކުދި އިރުޝާދު އެނގުން : މިސާލަކަށް : ބޯޅަ ގެނެސްދީ

ބަސްމޮށުންތެރިކަމާއި، އަދި އިޖުތިމާޢީ ހުނަރު

·         ޓާޓާ ފަދަ ބަސް ބުނަން އެނގުން

·         މަންމަ ނުވަތަ ބައްޕަ ކޮބައިތޯ އަހަން އެނގުން

·         އާންމުކޮށް ގެންގުޅޭ މީހުން ނެތުމުން ކަންބޮޑުވާން އެނގުން

3 އަހަރުގެ ތެރޭގައި :-

ހަރަކާތް ކުރުމުގެ ހުނަރު

·         އެހީއަކާ ލައިގެން ހަރުފަތަށް އެރުން

ބަސްމޮށުންތެރިކަމާއި، އަދި އިޖުތިމާޢީ ހުނަރު

·         ކުދިކުދި ޖުމުލަ ބޭނުންކުރުން (2 ނުވަތަ 3 ލަފުޒުގެ)

·         ބޭނުންވާ ކަންތައްތައް އަނގައިން ބުނުން (އަހަރެން ބިސްކޯދެއް ބޭނުމެވެ.)

·         ކުރަން ބުނާ ކުދިކުދި ކަންތައްތައް ކުރަން އެނގުން

·         މީހުން ބުނާއެއްޗެއް ތަކުރާރުކުރުން

·         ހީލުން، ބައްދާލުން، ދުވެފައި އައިސް އުރަށްވަނުން، ފަދަ އިހުސާސްތައް އެނގުން

އިހުސާސް އަދި ވިސްނުމުގެ ހުނަރު

·         ހަށިގަނޑުގެ ގުނަވަންތައް ފާހަގަކުރަން އެނގުން

·         ތަކެތީގެ ބައްޓަމާއި ކުލަޔަށް ބަލާފައި ވަކިކުރަން އެނގުން

·         ބަލައިގެން ވަށްބުރެއް ކުރަހަން އެނގުން

4 އަހަރުގެ ތެރޭގައި :-

ހަރަކާތް ކުރުމުގެ ހުނަރު

·         ފަހަރަކު ފައެއް އަޅަމުން، ސިޑިން އަރައި ފޭބުން

·         ފައިން ބޯޅަ ޖަހަން އެނގުން

·         ފަސޭހަ ކަމާއެކު ދުވެހެނދުން

·         އަނބުރައިގެން އެއްޗެތީގެ މަތިޖަހާ ނަގަން އެނގުން

އިހުސާސް އަދި ވިސްނުމުގެ ހުނަރު

·         ވަށްބޮޅު، ގޮޅި، ރަސްގެ، އަމިއްލައަށް ކުރަހަން އެނގުން

·         ކަތުރުން ކަފަން އެނގުން

·         ދަންނަ ވާހަކައެއް ކިޔާދިނުން

·         މަދުވެގެން 2 ކުލައެއްގެ ނަން ބުނެދޭން އެނގުން

ބަސްމޮށުންތެރިކަމާއި، އަދި އިޖުތިމާޢީ ހުނަރު

·         ޖުމުލަ ބޭނުންކުރުން (3 ނުވަތަ 5 ލަފުޒު ބޭނުންކޮށްގެން)

·         އެހެންކުދިންނާއި ގުޅިގެން އުޅުން

5 އަހަރުގެ ތެރޭގައި:-

ހަރަކާތް ކުރުމުގެ ހުނަރު

·         އަމިއްލައަށް ކަންތައްތައް ކުރުން

·         ފުންމުމާއި އަދި ކޮރުން

·         ބޯޅަ ބިންމަތީގައި ޖަހާފައި ހިފުން

އިހުސާސް އަދި ވިސްނުމުގެ ހުނަރު

·         ޚިޔާލީ ކަންތައްތަކާއި، ހަގީގީ ކަންތައްތައް ތަފާތުކުރަން އެނގުން

ބަސްމޮށުންތެރިކަމާއި، އަދި އިޖުތިމާޢީ ހުނަރު

·         ވާހަކަ ކިޔާ ދިނުން

·         މަންމައާއި ބައްޕައަށް ވެގެން ކުޅުން

މައުލޫމާތު :

·         ވެކްސިން ފޮތް