ލޭހަދިޔާކުރުން : ހައިރާންކުރުވަނިވި ބައެއް ހަގީގަތްތައް

ލޭހަދިޔާކުރުން : ހައިރާންކުރުވަނިވި ބައެއް ހަގީގަތްތައް

·         އިންސާނާގެ ހަށިގަނޑުގައިވާ ލޭހޮޅިތަކުގެ ދިގުމިނުގައި 100،000 މޭލު ހުރެއެވެ.

·         އިންސާނާގެ ހަށިގަނޑުގައި ހުރިހާ ހުރި ލެޔެއް އެއްކޮށް ބޮއި ހުސްކުރުމަށް 1،200،000 މަދިރި ބޭނުންވެ، އެއިން ކޮންމެ މަދިރިއެއް މަދުވެގެން އެއްފަހަރު ލޭބޯންޖެހޭނެ އެވެ.

·         އަލަށް އުފަންވާ ކުއްޖެއްގެ ހަށިގަނޑުގައި ގާތްގަނޑަކަށް އެއް ޖޯޑުގެ ލޭ ހުންނާނެ އެވެ.

·         އިންސާނާގެ ހަށިގަނޑުގައި 0.2 މިލިގްރާމްގެ ރަން ހުރެއެވެ. މީގެތެރެއިން ބޮޑުބައެއް ހުންނަނީ ލޭގެ ތެރޭގައެވެ.

·         އިންސާނާގެ ހަށިގަނޑުގެ ބަރުދަންގެ %8 އަކީ ލެޔެވެ.

·         ލޭގެ އެންމެ ޕޮއިންޓަކުން 3 މީހުންގެ ފުރާނަ ސަލާމަތްކުރެވިދާނެ އެވެ.

·         އުމުރުން 18 އަހަރުވުމުން ލޭހަދިޔާ ކުރަން ފަށައި، ކޮންމެ 90 ދުވަހަކުން އެއްފަހަރު ލޭހަދިޔާކުރާނަމަ، އުމުރުން 60 އަހަރުވާއިރު، 75 ލިޓަރުގެ ލޭހަދިޔާކުރެވި، 500 މީހުންގެ ފުރާނަ ސަލާމަތްކުރެވޭނެ އެވެ.

·         ހަށިގަނޑުގައި ފުރިހަމަ "ސާކެޓް" އެއް އެންމެ 30 ސިކުންތުގެ ތެރޭގައި ލޭގެ ރަތް ސެލް އިން އުފެއްދިދާނެ އެވެ.

·         މާބަނޑުވާތާ 20 ހަފްތާގެ ފަހުން، މާބަނޑުވުމުގެ ކުރިން ހަށިގަނޑުގައި ލޭހުރިވަރަށްވުރެ، %50 އިތުރުވެގެންދާނެއެވެ.

·         ލޭހަދިޔާކުރާ ކޮންމެ ފަހަރަކު ހަދިޔާކުރެވުނު ލޭ، އޭޑްސް، ހެޕަޓައިޓިސް ބީ، ހެޕަޓައިޓިސް ސީ، އަދި ސިފިލިސް އަށް ޓެސްޓުކުރެވެއެވެ.

·         ހަދިޔާކުރެވޭ ލެއިން ލޭގައި ހިމެނޭ އެކިބައިތައް ވަކިކޮށްލުމަށްފަހު، ބޭނުންވާ ބައެއް އެބައިގެ ބޭނުން ޖެހިފައިވާ ބަލިމީހަކަށް ފޯރުކޮށްދެވިދާނެ އެވެ.  މިސާލަކަށް ލޭގެ ރަތް ސެލްތައް، ލޭގެ ޕްލާޒްމާ، ޕްލޭޓްލިޓް ފަދަ މާއްދާތައް ހަދިޔާކުރެވުނު ލެއިން ވަކިކޮށް ބޭނުންޖެހިފައިވާ ފަރާތްތަކަށް ފޯރުކޮށްދެވިދާނެ އެވެ.

·         ކުރިއަރާފައިވާ ގައުމުތަކުގައި އެންމެ ގިނައިން ލޭއެޅެނީ އުމުރުން 65 އަހަރުން މަތީ މީހުންގެ ގަޔަށެވެ.

·         ދުނިޔޭގެ ޞިއްޙަތު ޖަމްޢިއްޔާގެ ތަފާސް ހިސާބުތައް ދައްކާގޮތުން ދުނިޔޭގައި އަހަރެއްގެ މައްޗަށް 108 މިލިޔަން ފަހަރު ލޭހަދިޔާކުރެއެވެ.  

·         ތަރައްގީވަމުން އަންނަ ގައުމުތަކުގައި ހަދިޔާކުރެވޭ ލޭގެ %65 ފޯރުކޮށްދެވެނީ އުމުރުން 5 އަހަރުން ދަށުގެ ކުޑަކުދިންނަށެވެ.

·         ލޭހަދިޔާކުރުން އެންމެ ކުރީގައި އުޅެނީ ކުރިއަރާފައިވާ ގައުމުތަކުގައެވެ. އެގޮތުން ކޮންމެ 1000 މީހުންގެ ތެރޭގައި ލޭހަދިޔާކުރާ މީހުންގެ ނިސްބަތް އުޅެނީ %36.8 ގައެވެ. މެދުފަންތީގެ ގައުމުތަކުގައި މިނިސްބަތް %11.7 ގައި އުޅޭއިރު، ފަގީރު ގައުމުތަކުގައި މިނިސްބަތް އުޅެނީ %3.9 ގައެވެ.

·         "ޕްލާޒްމާ-ޑެރައިވްޑް މެޑިސިނަލް ޕްރޮޑަކްޓް" އުފައްދަނީ ދުނިޔޭގެ ޞިއްޙަތު ޖަމްޢިއްޔާއަށް ރިޕޯޓްކުރާ ގައުމުތަކުގެ ތެރެއިން އެންމެ 43 ގައުމުގައެވެ. ބާކީ 113 ގައުމުން ޖެހޭނީ މިއުފެއްދުންތައް އެހެން ގައުމަކުން އެތެރެކުރާށެވެ.

·         ލޭ ބޭނުންކުރާނެ ގޮތުގެ ގައިޑްލައިނެއް ހެދި އެއަށް އަމަލުކުރެވެމުންދަނީ އެންމެ 111 ގައުމުގައެވެ.

·         ލޭހަދިޔާކުރުމަށް ނަގަނީ ގާތްގަނޑަކަށް 20-10 މިނިޓާ ދެމެދުގެ ވަގުތެކެވެ.

·         ލޭގެ ޔުނިޓެއް ކަމުގައި ބަލަނީ 450 އެމްއެލް އެވެ.

·         ލޭހަދިޔާކުރާ މީހާގެ ބަރުދަން އެންމެ މަދުވެގެން 45 ކިލޯގައި ހުރުމާއެކު، އުމުރުން 18 އަހަރުވެފައިވުމަކީ އެދެވިގެންވާ ކަމެކެވެ.

·         ލޭހަދިޔާ ކުރާ މީހާ އަކީ ޞިއްޙީ ގޮތުން ދުޅަހެޔޮ މީހަކަށްވުން މުހިއްމެވެ.