ޏަމްޏަމް

ޏަމްޏަމް

 ޏަމްޏަމް އަކީ ހުތްފޮނި މޭވާ އެކެވެ. ދޮންނުވާއިރު ވަޅުފެހި ކުލައިގައި ހުންނަ ޏަމްޏަމް ދޮންވުމުން މުށި ރީނދޫ ކުލައަކަށް ބަދަލުވެއެވެ. މިއީ ވެސް ހުތްމޭވާއެއްގެ ގޮތުގައި ކައިއުޅޭ މޭވާ އެކެވެ. މަދުން ނަމަވެސް ޏަމްޏަމް އިން ޖޫސް ތައްޔާރުކޮށްގެން ބޭނުން ކުރެއެވެ. ޏަމްޏަމް ހުންނަނީ ގުރުދާގެ ބައްޓަމަށެވެ. އެތެރޭގައި ބޮޑު އޮށެއް އޮންނަ ޏަމްޏަމްގެ ބޭރުގައި ކުރަކިކަމެއް އެކުލެވިގެންވުމާއެކު، ފިތްފިތް ޖަހާފައި ހުރެއެވެ. ސަލަޑް، އަސާރަ ފަދަ ކާތަކެތި ތައްޔާރު ކުރުމަށް ވެސް ޏަމްޏަމް ބޭނުންކޮށް އުޅެއެވެ.

 

ދިވެހި ނަން : ޏަމްޏަމް

އިގިރޭސި ނަން : Nam nam

ޢިލްމީ ނަން : CynometraCauliflora

ޏަމްޏަމްއިން ލިބޭ ޞިއްޙީ ފައިދާތައް

·         ޏަމްޏަމްގައި ވިޓަމިން ސީ، ވިޓަމިން އޭ، އަދި އެންޓިއޮކްސިޑެންޓް ތައް ހުރެއެވެ.

·         ޏަމްޏަމް އަކީ ލޭގެ ޕްރެޝަރު ދަށްކުރުމަށާއި، ހަކުރު ކޮންޓްރޯލް ކުރުމަށް ބޭނުންކުރެވިދާނެ މޭވާ އެކެވެ.

·         ޏަމްޏަމްގައި ވިޓަމިން ސީ ހުރުމުން ލިބިދާނެ ފައިދާ ތަކުގެ ތެރޭގައި:-

o       ކަށިތަކާއި ދަތްތައް ވަރުގަދަކޮށް ދެއެވެ.

o       ދިފާޢީ ބާރު ވަރުގަދަކޮށް ދެއެވެ.

o       ހަމާއި، ތެތްދުލިފަށަލަ ތައް ވަރުގަދަކޮށް ދެއެވެ.

o       ފްރީ ރެޑިކަލްތަކުން ސެލްތަކަށް ލިބޭ ގެއްލުން ކުޑަކުރެއެވެ. އަދި ކެންސަރުން ހިމާޔަތް ކުރެއެވެ.

o       އަރިދަފުސް ރޯގާ ފަދަ ތަފާތު ބަލިތަކުން ދުރުކޮށް ދެއެވެ.

o       ފާރުގަނޑު އަވަހަށް ފަސޭހަވެ އެވެ.

·         ކުރީޒަމާނުގައި

o       އިންޑިޔާގައި ޏަމްޏަމް އޮށުން ތައްޔާރުކުރާ ތެޔޮ ބޭނުންކޮށްގެން ކުރިން ހަމުގެ ބަލިތަކަށް ފަރުވާކޮށްފައި ވެއެވެ.

o       ކުރީ ޒަމާނުގައި ޏަމްޏަމް ބޭނުންކޮށްގެން ތަފާތު ބަލިތަކަށް ފަރުވާކޮށްފައިވާ ކަން އެނގެއެވެ.

o       ޅަ ޏަމްޏަމް ފަތް ބޭނުންކޮށްގެން ބޭރަށް ހިންގުމަށް ފަރުވާކޮށްފައި ވެއެވެ. މަސާނާއިން ހިލަ ބޭރުކުރުމަށް ޅަ ފަތް ކައްކައިގެން ސައިގެ ގޮތުގައި ބޭނުންކޮށްފައި ވެއެވެ.

ނޯޓް: އިންޓަނެޓް ވިއުގައިގެ ތެރޭގައި ޏަމްޏަމް އާއި ބެހޭގޮތުން މަޢުލޫމާތު ހޯދުމަށް ކުރި މަސައްކަތުން އެކަށޭނަ ކާމިޔާބެއް ލިބިފައެއް ނުވެއެވެ. ވީމާ މިމޭވާ އާއި ބެހޭގޮތުން ފުރިހަމަ މަޢުލޫމާތު ހިމެނިފައިވާ ނުވުމަކީ އެކަށީގެންވާ ކަމެކެވެ.

މަޢުލޫމާތު:-

·         http://en.wikipedia.org/wiki/Cynometra_cauliflora

·         http://www.daleysfruit.com.au/Nam-Nam-Cynometra-cauliflora.htm

·         http://gardeningwithwilson.com/2010/03/08/introducing-the-nam-nam-tree

ޖޭމު

ޖޭމު

ޖޭމަކީ މަދުން ނަމަވެސް ކެއުމަށް ބޭނުންކުރާ މޭވާ އެކެވެ. މިއީ ގިތިކޮށް ހުންނައިރު ފެހިކުލައިގައި ހުންނަ ދޮންވުމުން ރަތްކުލަ އަށް ހުންނަ މޭވާ އެކެވެ. ދުނިޔޭގެ ބައެއް ހިސާބުތަކުގައި ފަނި ގިރައިންނާއި، ސަރުބަތު ތައްޔާރުކޮށްގެން، އަދި ޖޭމު ހަދައިގެންނާއި އެހެނިހެން ފޮނި ކާތަކެތި ތައްޔާރުކޮށްގެން ވެސް ޖޭމު ބޭނުންކުރެއެވެ. 

ދިވެހި ނަން : ޖޭމު
އިގިރޭސި ނަން : Aratilis
ޢިލްމީ ނަން : Muntigia Calabura
ޖޭމުގެ ކޮންމެ 100 ގުރާމުގައި
ހަކަތަ	380 ކިލޯ ކެލަރީ
ކާބޯހައިޑްރޭޓް	17.9  ގްރާމް
ޕްރޮޓީން	0.384 ގްރާމް
ފެޓް	1.56 ގްރާމް
ފައިބަރު	4.6 ގްރާމް
ނިއެސިން	0.554 މިލިގްރާމް
ރައިބޯފްލޭވިން	0.037 މިލިގްރާމް
ކެރޮޓީން	0.019 މިލިގްރާމް
ވިޓަމިން ސީ	80.5 މިލިގްރާމް
ފޮސްފަރަސް	84 މިލިގްރާމް
ކެލްސިއަމް	124 މިލިގްރާމް
ދަގަނޑު	1.18 މިލިގްރާމް

ޖޭމުން ލިބޭ ޞިއްޙީ ފައިދާތައް

·         ޖޭމަކީ ބަނޑުގައި އުފެދޭ ތަދު ނުވަތަ ރިހުން ލުއިކޮށް ކުޑަކޮށްދޭ އެއްޗެކެވެ. އެއީ ތަނދުކެނޑުވުމުގެ ބާރު ޖޭމުގައި އެކުލެވޭތީ އެވެ.

·         ޖޭމަކީ ހިކިވެ، ކުރަކިވެފައިވާ، ހަންގަނޑު އޮމާންކޮށްދޭ، އެއްޗެކެވެ.

·         ޖޭމުގައި ބެކްޓީރިޔާ ފަދަ ޖަރާސީމުތަކާ ދެކޮޅަށް މަސައްކަތް ކުރުމުގެ ބާރު ހުރެއެވެ.

·         ޖޭމުގައި ހަށިގަނޑަށް ފްލޭވޮނޮއިޑް ފަދަ އެންޓިއޮކްސިޑެންޓް ތައް ހުރެއެވެ. ފްލޭވޮނޮއިޑް އަކީ ކެންސަރާއި ދެކޮޅަށް މަސައްކަތްކުރުމުގެ ބާރު ލިބިފައިވާ އެންޓިއޮކްސިޑެންޓެކެވެ.

·         ޖޭމުގައި ހަކުރުގެ ބާވަތެއް ކަމުގައިވާ ފުރަކްޓޯސް ހުރުމަކީ އެ ބޭނުންކުރުމުން ހަށިގަނޑުގައި ވަރުޖައްސައިދޭނެ ކަމެކެވެ.

·         ކުރީ ޒަމާނުގައި:-

o       ޖޭމު މަލުގެ ދިޔަ ބަނޑުގެ ރިހުން ލުއިކުރުމަށް ބޭނުންކޮށްފައި ވެއެވެ.

o       ޖޭމު މަލުގެ ދިޔަ ހަންގަޑު އޮމާންކޮށް މަޑުކުރުމަށް ބޭނުންކޮށްފައި ވެއެވެ.

o       ޖޭމު މާ ޖަރާސީމް މަރައި ނައްތާލާ އެއްޗެއްގެ ގޮތުގައި ބޭނުންކޮށްފައި ވެއެވެ.

o       ބޮލުގައި ރިހުމާއި، އަރިދަފުސް ރޯގާ ގެ އުދަގޫ ކުޑަކުރުމަށް ބޭނުންކޮށްފައި ވެއެވެ.

o       އިންޑޮނޭޝިޔާގައި ޔޫރިކް އެސިޑް މަތިވުމުން ކުރިމަތިވާ ހުޅުގެ ބަލިތަކަށް ފަރުވާ ކުރުމަށް ޖޭމު ބޭނުންކޮށްފައި ވެއެވެ. އެހެންކަމުން ޖޭމަކީ ހަށިގަނޑުން ޔޫރިކް އެސިޑް ދަށްކޮށްދީފާނެ އެއްޗެއްކަމަށް ބެލެވެއެވެ.

·         ދިރާސާތަކުން :

o       ބެކްޓީރިޔާއާއި ދެކޮޅަށް މަސައްކަތްކުރުމުގެ ބާރު : ދިރާސާތަކުގެ އަލީގައި އެނގިފައިވާ ގޮތުގައި ޖޭމުގައި ނުވަތަ އޭގެ ފަތުގައި ބެކްޓީރިޔާ އާއި ދެކޮޅަށް މަސައްކަތްކުރުމުގެ ބާރު އެކުލެވިފައި ވެއެވެ. އަދި ފަހަރުގައި މާ ބާރުގަދަ އެންޓިބަޔޮޓިކް ހަރަކާތްތައް އެކުލެވިފައި ހުރެދާނެ ކަމަށް އިތުރަށް މިދިރާސާތަކުގައި ލަފާދީފައި ވެއެވެ.

o       ހުމާއި ތަދުތަކާއި ދެކޮޅަށް މަސައްކަތްކުރުމުގެ ބާރު : ދިރާސާތަކުން އެނގިފައިވާ ގޮތުގައި ޖޭމު ފަތުގައި ތަދުތަކާއި ދެކޮޅަށް  މަސައްކަތްކުރުމުގެ ބާރު އަދި ހުމާއި ދެކޮޅަށް މަސައްކަތްކުރުމުގެ ބާރު އެކުލެވިފައި ވެއެވެ. މިއީ ޕެރޫގައި ގަދީމީ ބޭސްވެރިކަމުގައި ތަދާއި، ހުމާއި ދެކޮޅަށް ޖޭމު ފަތް ބޭނުންކޮށްފައިވާ ކުރުމަށް. އިތުރު ބާރެއް ފޯރުކޮށްދިން ދިރާސާ އެކެވެ.

o       ކެންސަރާއި ދެކޮޅަށް މަސައްކަތްކުރުމުގެ ބާރު : ކެންސަރާއި ދެކޮޅަށް މަސައްކަތްކުރާ ފްލޭވޮނޮއިޑްތައް ޖޭމުގަހުގެ މުލުން ސައިންސްވެރިން ހޯދާފައި ވެއެވެ. އެގޮތުން ތަފާތު 12 ފްލޭވޮނޮއިޑް ވަނީ ހޯދާފައެވެ. އޭގެ ތެރޭގައި 7 ވައްތަރުގެ ފްލޭވެން(Flavans)، 3 ވައްތަރުގެ ފްލޭވޯންސް(Flavones)، އަދި 2 ވައްތަރުގެ ބައިފްލޭވެން(Biflavans) ހިމެނެއެވެ. މީގެ އިތުރުން ޖޭމު ފަތުން ވެސް ކެންސަރާއި ދެކޮޅަށް މަސައްކަތްކުރާ ފްލޭވޮނޮއިޑްތައް ފެނިފައި ވެއެވެ. އޭގެ ތެރޭގައި ހިމެނޭ އެއް ފްލޭވޮނޮއިޑް އަކީ " ގެލެންގިން -3-7 – ޑައިމީތައިލް އީތަރ" އެވެ.

o       ހިތް ރައްކާތެރިކޮށްދިނުމުގެ ބާރު : ޖޭމު ފަތުގެ ދިޔަ ބޭނުންކުރުމުން "އައިސޯޕްރިޓިރިނޯލް"(Isopreterenol)ގެ ސަބަބުން ޖެހޭ ހާރޓް އެޓޭކް ކުރިމަތިވުމުން ރައްކާތެރިވެވިދާނެ ކަމަށް، ދިރާސާތަކުންވަނީ އެނގިފައެވެ. މިގޮތުން ހާރޓް އެޓޭކް ޖެހުމުން ރައްކާތެރިވެވޭނީ އައިސޯޕްރިޓިރިނޯލް ބޭނުންކުރުމުގެ ކުރިން ޖޭމުގެ ފަތުގެ ދިޔަ ބޭނުންކޮށްގެން ފަރުވާ ލިބިގަނެފިނަމަ އެވެ. މިގޮތަށް ޖޭމުފަތު ދިޔަ ބޭނުންކުރުމުން ހިތުގެ މަސްގަނޑު މެޔޯކާރޑިއަމް ގެއްލުންވުން ކުޑަވެ، މެޔޯކާރޑިއަމް އިން ކާރޑިއެކް އެންޒައިމްތައް ލީކުވެ ބޭރުވާ ނިސްބަތް ދަށްކުރެއެވެ.

މަޢުލޫމާތު:-

·         http://en.wikipedia.org/wiki/Muntingia_calabura

·         http://herba-linch.hubpages.com/hub/Aratilis-Muntingia-the-Strawberry-Tree

·         http://alternativeremedies.wordpress.com/2009/09/04/health-benefits-of-aratiles-2

·         http://www.stuartxchange.org/Aratiles.html

·         http://philasianherbs.blogspot.com/2014/04/aratilis.html

·         http://www.antioxidant-fruits.com/fruit-of-the-philippines-aratilis.html

·         http://health-benefits-of-fruit.blogspot.com/2014/10/amazing-benefits-of-muntingia-fruit-for.html