ފީރު މުރަނގަ ތޮޅި

ފީރު މުރަނގަ ތޮޅި

ފީރު މުރަނގަ ތޮޅި އަކީ ތަރުކާރީއެއްގެ ގޮތުގައި ކެއުމަށް ބޭނުންކުރެވޭ ބާވަތެކެވެ.

ދިވެހި ނަން : ފީރު މުރަނގަ ތޮޅި

އިގިރޭސި ނަން : Sesbanis pod

ޢިލްމީ ނަން : Sesbania grandiflora

ފީރު މުރަނގަ ތޮޅިން ލިބިދޭ ބައެއް ޞިއްޙީ ފައިދާތައް

ގަދީމީ ބޭސްވެރިކަމުގައި :

·         ބަނޑު ފަސޭހަކުރުމަށް ދޭ އެއްޗެއްގެ ގޮތުގައި ފީރު މުރަނގަތޮޅި ބޭނުންކޮށް އުޅުނެވެ.

·         ލޭމަދުވުން، ހުންއައުން، ތަދުކެނޑުވުމަށާއި، ކަރުހިއްކުން ފިލުވުމަށާއި، އަދި ވައިނޮޅީގެ ކަފި ދުޅަވުން ފަދަ ބަލިތަކަށް ވެސް ފަރުވާއެއްގެ ގޮތުގައި ފީރު މުރަނގަތޮޅި ބޭނުންކޮށްފައި ވެއެވެ.

·         އަތްފައި، ލޯ، އަދި މުޅި ހަށިގަނޑުގައި އުފެދޭ ދިލަ ހޫނުގެ އަސަރު ކެނޑުވުމަށް ކެއުމުގައި ފީރު މުރަނގަ ތޮޅި ހިމެނިދާނެ އެވެ.

·         ބަނޑުގައި ރިހުން، ރީނދޫވުން ފަދަ ކަންކަމަށް ފަރުވާކުރުމަށް ވެސް ފީރުމުރަނގަ ތޮޅި ބޭނުންކޮށްފައި ވެއެވެ.

·         ހަށިގަނޑުގައި ހަރުލާފައި ހުންނަ ވިހައިގެ އަސަރު ދުއްވާލުމަށް ފީރުމުރަނގަ ތޮޅި ބޭނުންކޮށްފައި ވެއެވެ.

·         އަނގަފާރުގެ އުދަނގޫ ލުއިކުރުމަށް ވެސް ފީރުމުރަނގަ ތޮޅި ބޭނުންކުރެވިދާނެ އެވެ.

މައުލޫމާތު :

·         http://www.hort.purdue.edu/newcrop%20/duke_energy/Sesbania_grandiflora.html

·         http://creative.sulekha.com/agathi-keerai-and-its-benefits_351172_blog

·         http://en.wikipedia.org/wiki/Sesbania_grandiflora